Thunderbolts* (2025)
阅读全文
:
Thunderbolts* (2025)
IMDb Rating (7.7) / Rotten Tomatoes (88 %)
သန်ဒါဗိုလ်ကိုမှ ကြည့်လို့ကြည်တဲ့ ဗားရှင်းထွက်လာလို့ တင်ပေးထားပါတယ်။ အကြည်အစစ်ထွက်ဖို့ ၂ လလောက် မစောင့်ချင်တဲ့သူတွေ ခိုးရိုက်အဝါးကြီး မကြည့်ချင်တဲ့သူတွေအတွက် အနေတော် ကွက်တိ ဗားရှင်း ဖြစ်ပါတယ်။ ဘာသာပြန်ကတော့ နားထောင်ပြန်ရုံပဲမို့ 97% လောက်ပဲ ရပါသေးတယ်။
ဒါရိုက်တာ Jake Schreier ဖြစ်ပြီး Beef စီးရီးတို့ Paper Town, Skeleton Crew တို့ရဲ့ ဖန်တီးရှင်ပီပီ ဒရာမာရော ဟာသရော အက်ရှင်ရော ကောင်းကောင်းပိုင်ပိုင်နိုင်နိုင်ရိုက်ကူးထားပါတယ်။ မင်းသားမင်းသမီးတွေကလည်း လူဟောင်းတွေချည်းပဲမို့ ဇာတ်ကောင်အသားကျပြီးသားဖြစ်ပြီး ကွက်တိသရုပ်ဆောင်နိုင်ကြပါတယ်။ ဘော့ နေရာမှာသရုပ်ဆောင်တဲ့ Lewis Pullman ကလည်း Top Gun မှာကတည်းက ဘော့နေရာမှာ ပါထားတဲ့သူဖြစ်ပြီး ဒီကားမှာလည်း အလားအလာအများကြီး ပြသွားပါပြီ။
အညွှန်း
မာဗယ်ရုပ်ရှင်ရဲ့ ၃၆ ကားမြောက် ရုပ်ရှင်ဖြစ်ပြီး အဆင့်-၅ ရုပ်ရှင်တွေရဲ့ နောက်ဆုံးရုပ်ရှင်ဖြစ်ပါတယ်။ မာဗယ်ရုပ်ရှင်တွေထဲမှာ ကောင်းတယ်လို့ ပြောရတဲ့ အဆင့်ထဲကိုတော့ ရောက်တဲ့ ရုပ်ရှင်ပဲဖြစ်ပါတယ်။ Winter Soldier တို့ Iron Man တို့ကို မမီပေမဲ့ The Marvels တို့ Antman 3 တို့လောက်တော့ မညံ့ပါဘူး။ ဇာတ်လမ်းအနေနဲ့တော့ အိမ်ဖြည့် မိတ်ဆက်သဘောမျိုးရယ် မျိုးဆက်သစ်စုတဲ့သဘောမျိုးရယ်မို့ အရမ်းမဆန်းသလို၊ နောင်တတွေနဲ့ လူမိုက်ကြီးတွေ ပြန်အဖက်ဆယ်တာတို့၊ အလင်းစိတ် အမှောင်စိတ် လွန်ဆွဲတဲ့ စိတ်ထဲက တိုက်ပွဲတို့ကတော့ မဲပြာပုဆိုးဖြစ်ပါသေးတယ်။ သို့ပေမဲ့ အတင်းလုပ်ယူထားတဲ့ ဟာသတွေမပါဘဲ သဘာဝကျကျလေး ဇာတ်လမ်းဆင်ထားတာရယ်၊ နောက်လာမဲ့ ဇာတ်လမ်းတွေနဲ့အချိတ်အဆက်မိတာရယ်ကြောင့် ရုပ်ရှင်ကောင်းစာရင်းတော့ ဝင်သွားပါပြီ။
ဇာတ်လမ်းအကျဉ်း
စီအိုင်အေ ညွှန်ချုပ် ဗယ်လန်တီနာဟာ စွမ်းအားရှင် စီမံကိန်းအသစ်တစ်ခုကို စမ်းသပ်နေရာကနေ တရားမဝင် လူသားတွေနဲ့ စမ်းသပ်တာတွေ လူသေမှုတွေကြောင့် ပိတ်ချလိုက်ရပါတယ်။ ဒါကို အစိုးရကလည်း စစ်ဆေးလာချိန်မှာတော့ သဲလွန်စအကုန် ဖျောက်ပစ်ဖို့ သူ့ရဲ့ ဘလက်အေးဂျင့်တွေဖြစ်တယ် ယယ်လီနာတို့ ဂို့စ်တို့ ဆွဲခန့် ကပ္ပတိန်အမေရိက ဝေါ်ကာတို့ကို တာဝန်ပေးပါတော့တယ်။ ဒါပေမဲ့ အဲဒီတာဝန်တွေကနေ သူဖျက်သိမ်းလိုက်တဲ့ စီမံကိန်းရဲ့ နောက်ဆက်တွဲတွေရှုပ်လာပြီး လူသားတွေအတွက် အန္တရာယ် ဖြစ်လာပါတော့တယ်။ ဒါကိုတားဆီးဖို့နဲ့ ဗယ်လန်တီနာကို ဖမ်းနိုင်ဖို့ သင်းကွဲလူမိုက်တွေ စုပေါင်းပြီး အဖွဲ့တစ်ဖွဲ့ ဖြစ်လာပါတော့တယ်။
ရုပ်ရှင်များကို လွယ်ကူစွာကြည့်ရှုလိုပါက CM App ကို www.cmapp.tv မှာ ရယူပါ။ CM App မှာ Streaming လည်းရသလို One Click Download လည်း ပြုလုပ်နိုင်ပါတယ်။
